'Goazen' telesaileko aktoreekin dantzan eta kantuan aritu dira Mendaron

Barren 2024ko eka. 8a, 22:45

Euskal Telebistako Goazen telesaileko hiru aktore Mendaron izan dira gaur, zapatua, Goazen Karaokea ikuskizunarekin, eta dantzan eta kantuan jarri dituzte gaztetxoak.

Mendaroko Udalak antolatu du saioa eta frontoian izan da ikuskizuna. Herriko bertako eta inguruko herrietatik etorritako dozenaka haur eta gaztetxo elkartu dira, eta haietako batzuk oholtzara ere irten dira kantura. Ordubete inguruko saioa izan da, eta gozatu dute frontoira batu diren familiek.