Trikiti taldekoek hasiko dituzte Mendaron musika eskolako ikasleen emanaldiak, hilaren 27an

Barren 2024ko mai. 22a, 16:25

Ikasturte amaierako emanaldien berri eman du Mendaroko Ameikutz musika eskolak. Astelehenerako antolatu dute lehenengo kontzertua, trikiti taldekoena.

Instrumentukako kontzertu guztiak San Agustin kulturgunean izango dira, 19:00etan. Ekainaren 20an, Herriko Enparantzara irtengo dira guztiak, jaialdi handirako. Hona emanaldi guztien egutegia:

  • Maiatzaren 27a:  Trikiti eta panderoko ikasleen kontzertua, San Agustinen
  • Maiatzaren 29a. Gitarra ikasten ari direnen kontzertua, San Agustinen.
  • Ekainaren 7a: Perkusio taldekoen emanaldia, San Agustinen.
  • Ekainaren 11: Piano eta biolina ikasten ari direnen emanaldia, San Agustinen
  • Ekainaren 13a: Txistuko taldearen kontzertua, San Agustinen
  • Ekainaren 20a: Jaialdi nagusia, Herriko Enparantzan, 19:00etan. Euskal dantza taldekoek ere parte hartuko dute.