Gipuzkoako Foru Aldundiak ohartarazi du lanok egin bitartean, martxoaren 14an eta 15ean, GI-3292 errepidean (3+100 KPan) zirkulazioa moztuta egongo dela. Bidea 9:00etatik 17:30era itxiko dute, drainatze-sistema hobetzeko lanak egin ahal izateko. "Aurreikusitako lanak egiteko, GI-3292 errepidea erabat moztu behar da 3+100 KPan, galtzadak puntu horretan duen zabalera dela-eta ezin baita txandakako trafikoa ezarri", azaldu dute Aldunditik.
Hartara, Itziar eta Deba artean GI-3210 errepidea erabiltzea gomendatu dute.