Lumiere Minutua

Tailerra eta lehiaketa, bietatik du Lumiere Minutuak. Limbus Filmakeko zuzendari eta ekoizle Iban del Campok antolatu du, Uztargi tabernaren eta Galle-tiak gozotegiaren babesarekin. Ordubeteko hitzaldi bat emango du Iban del Campo berak zinemaren historiaren errepasoa egiteko, eta ondoren, bi orduko tartea izango dute parte-hartzaileek beren minutu bateko bideoa grabatzeko, lehiaketarako. Toma bakar batean, gehienez minutu bateko filmak grabatzean datza lehiaketa, Lumiere anaiek egiten zuten antzera.