1999an Eusko Jaurlaritzak Altzola eremu degradatu izendatu zuen, eta 2007an eremu degradatuak berreskuratzeko plangintzan sartu zuten auzoa, baina EH Bilduren esanetan, hasieran iragarritako inbertsio estrategikoak (1.500.000 €) hobekuntza puntualetara baino ez ziren mugatu (250.000 €). "1999ko aitorpen hartatik, Altzolaren degradazioak nabarmen egin du gora, inguruko beste auzo batzuen bilakaerarekin alderatuta", adierazi du EH Bilduk.
Batzar Nagusietako garraio eta turismo batzordean EH Bildu, Alderdi Popularra eta Elkarrekin Gipuzkoa taldeen aldeko botoekin egin du aurrera EH Bilduk defendatzen zuen proposamenak. EAJk eta PSE-EEk kontra bozkatu zuten. Plan horren idazketa kontratatzeko 2026ko lehen hiruhilekoa finkatu dute.