Txirrindulariak Pedro Miguel Urruzuno kaletik irtengo dira irteera neutralizatuan, 15:10ean, eta 98 kilometroko ibilbidea osatu beharko dute. Birritan egingo dute Oñatira arteko joan-etorria eta Idotorbe gainean egongo da helmuga. 17:45etatik 17:52 birtarterako espero dituzte aurrenekoak (ikus ibilbidea). Hiru txirrindulari elgoibartar lehiatuko dira proban: Einer Agirregomezkorta, Unai Cornejo eta Aimar Gonzalez.
Iazkoan Aimar Quintana (Invitec-Iturribero) izan zen tropeleko azkarrena.
Zapaturako boluntario eske ari dira Elgoibarko Lagun Taldekoak. Bidegurutzeak zaintzeko behar dute jendea, eta horretarako prest daudenei klubeko arduradunekin harremanetan jartzeko eskatu diete, elt_txe@hotmail.com helbidera idatzita.
