Artaldekoek ere artisau lanak jarriko dituzte salgai, eta 11:00etatik aurrera hemen bertoko osagaiekin prestatutako pintxoak dastatzeko aukera egongo da txosnan. Altzolako Auzo Elkarteak kudeatuko du oraingoan, eta sahieskia eta txorizoa salduko dituzte, taloarekin edo ogiarekin.
Kamisetak eta errifak
Pintxoak saltzeaz gain, errifak ere salduko dituzte, eta telebista bat eta Elgoibarko baserrietako produktuekin osatutako otarrea zozkatuko dituzte. Era berean, Altzolako tren geltokiaren aldeko sinadurak bilduko dituzte, eta kamisetak ere jarriko dituzte salgai. Bildutako dirua Altzolako dinamika berreskuratzeko erabiliko dute.
Haziak erein, landareak landatu
Atxutxiamaikak, bestalde, tailerra egingo du umeekin. Haziak erein eta landareak landatuko dituzte, Kalebarren plazan, 11:30etik aurrera.
Eguerdian, ganadu erakusketa egongo da, Kalebarren plazan.
