Batetik, Eskubaloia plazan izeneko ekitaldia antolatu dute domekarako (ekainak 1). 11:00etatik aurrera egingo dute ekitaldia Kalegoen plazan (euria egingo balu, IMH kiroldegian), eta Sanlotik 2013tik 2016ra jaiotako neska-mutilak animatu dituzte parte hartzera.
Bestetik, ekainaren 20ra bitartean zabalik edukiko dituzte Eskubaloi Eskolako ateak, nahi duten gaztetxoek eskubaloia probatzeko aukera izan dezaten. 2013an jaiotako neska-mutilak astelehen eta barikuetan hurbildu daitezke Olaizagara, 16:45etik 17:30era. 2014an jaiotakoek asteazkenetan izango dituzte saioak, 18:00etatik 19:00etara. Azkenik, 2015 eta 2016 urteetan jaiotakoek ere asteazkenetan joan beharko dute, 17:00etatik 18:00etara.
Izen-emateak sanlo.net webgunearen bidez egin behar dira. Informazio osoagorako: sanlolatxo@gmail eta 688 735 446.
Gipuzkoako Kopako finalak, Olaizagan
Kalean bakarrik ez, Olaizaga kiroldegian ere eskubaloi asteburu bete-betea izango da datorrena, Gipuzkoako Kopako sei final jokatuko baitituzte zapatuan eta domekan, tartean Sanloko taldeek. Ikus HEMEN
