Urko Mendazona Labernia 46 kiloz azpiko kategorian lehiatu zen, infantiletan, eta urrezko domina eskuratu zuen jokatutako lau borrokaldiak irabazi eta gero. Aurrez Gipuzkoako txapelketa irabazi zuen Mendazonak. Euskadiko txapeldun titulua eskuratuta, kadete mailako Espainiako Txapelketan lehiatzeko sailkatzea lortu du.
Joane Unamuno Ramosek ere Gipuzkoako txapelketa irabazi ostean lortu zuen Euskadiko Judo Txapelketara sailkatzea. 70 kiloz azpikoen kategorian lehiatu zen, kadeteetan, eta bi borrokaldietatik bat irabazita txapeldunorde geratu zen.
Edith Garate Osorok ere domina eskuratzetik gertu ibili zen 57 kiloz azpikoen kategorian, kadeteetan. Finalerdietara sailkatu ostean, galdu egin zuen konbatea, eta hirugarren postua erabakitzeko lehian ere galtzailea izan zen.