Iazko azaroan hasi zuten zuhaitzak landatzeko sasoia eta martxo erdialdera arte aritu dira bertoko espezietako zuhaitzak landatzen. Guztira 2.100 zuhaitz landatu dituzte joan berri den neguan. "Benetan zenbaki ederra! Poliki-poliki, gure bidea egiten dihardugu eta taldekideok balorazio oso positiboa egin dugu", adierazi dute. Aurreko kanpainan, 2023. eta 2024. urteen artean egin zutenean ia 3.000 zuhaitz landatu zituzten.
Bidelagun izan dituzten guztiei eskerrak eman dizkiete Baso Biziak elkartekoek. "Eskerrikasko bazkideei, lurjabeei, landaketetara animatu zareten lagunei, materiala gerturatzen lagundu diguzuien Manueli eta Gaizkari, Alcorta, Besa eta DanobatGroup enpresei, Caja Rural de Navarrari, Elgoibarko Udalari, Bellota Group enpresari, Lurgaia Fundazioari, Atxutxiamaikari, Morkaikori eta beste hainbati".
Neguan hasiko dituzte landaketa berriak.