Ikasleek material eta ekipamendu berriarekin hornitu dute ume txikientzako jolasgunea. "Jolas-eremua erabiltzaileen adinerako ekipamendu egokiarekin berritu dute ikasleek, ingurune seguruagoa, funtzionalagoa eta bizigarriagoa ziurtatuz", azaldu dute ekimenaren sustatzaileek.
Zehaztu dutenez, ikasleek "aktiboki" parte hartu dute material berrien hautaketa prozesuan zein horiek bere lekuan jartzeko lanetan, eta espazioa optimizatzeko beharrezko konponketak ere beraiek egin dituzte.
2023ko abenduan inauguratu zuten ume txikientzako jolasgunea 25 lagun hartzeko prestatua dago, eta umeek heldu baten ardurapean egon behar dute uneoro. Bertan dauden jolaserako materiala helduek hartu eta jaso behar dute. Zerbitzua doakoa da, alegia, ez dago zertan Udal Kirol Patronatuko abonatua izan beharrik jolasgunea erabiltzeko.
Honakoa da jolasgunea erabiltzeko ordutegia:
- Barikua: 16:30 – 19:30
- Zapatua: 9:30 – 12:30 eta 16:00 – 19:30
- Domeka eta jaiegunetan: 9:30 – 13:00