Pilota plazara atera du gaur Elgoibar Ikastolak

Elgoibar Ikastolak antolatuta, Pilota Eguna izan da gaurkoa, eta Kilometroak jaiaren urtea denez, berezia izan da gaurko edizioa. Goizean goizetik umeentzako jolasak egin dituzte, Hitzpasa jolasean parte hartzeko aukera ere izan dute familiek, eta pilotak egiteko tailerrak ere izan dira. Tonbola ere antolatu dute, eta pilotarekin zerikusia duen materiala zozkatu dute. Pilota Egunean ohikoak diren pilota finalak jokatu dituzte ikasleek, eta amaieran helduentzako barru saioa ere izan da. Haizeak gogor astindu du tarteka, baina jai giroa nagusitu da Kalegoen plazan.