Ludotekak antolatutako jarduera guztietan 340 izen-emate zenbatu dituzte, eta 271 Gaztelekuak antolatutakoetan. Zehaztu dutenez, umeek eta nerabeek eurek eginiko proposamenak kontuan hartuta antolatu dituzte ekintza asko. Era berean, koordinatzaileek, hezitzaileek eta erabiltzaileek aurtengo negulekuetako programazioaren balorazio "oso ona" egin dutela adierazi dute.
Gaztelekuko erabiltzaileek Salting-ean (Iruñean), Bingoan, Lastertag-ean edota ihes-gelan parte hartzeko aukera eduki dute, besteak beste. Ludotekakoek, berriz, sukaldaritza jolasak, Eureka! Zientzia Museora irteera, Bilboko Gabonetako Parkera zein Jump Yardera irteerak eta gastronomiarekin zerikusia duten hainbat saio egin dituzte.
Gaztelekuaren irekiera ordua aurreratu dute
Elgoibarko Udal Gaztelekuak irekiera ordutegia aurreratu du, nerabeen eskaerak aintzat hartu eta gero. Ordutegi berria honako hau izango da aurrerantzean:
- Asteazken, ostegun eta igandeetan: 16:30etatik 19:30etara.
- Ostiral eta larunbatetan: 16:30etik 20:30era.
