Pintxo poteorako eguna izango da aurtengo Gastrorock asteko aurrenekoa, gaurkoa. Biharko, Rockalean taldearen kalejira antolatu dute, 20:00etatik 22:00ak bitarterako, eta ondoren, Akerbeltz taldeak kontzertua emango du, Maalan (01:00ak arte).
Zapaturako ere antzerako plana egin dute. Iluntzean, Elgoibarko Patxangoi elektrotxarangakoak ibiliko dira kalez kale 19:00etatik 21:00ak bueltan giroa berotzen, eta gauerako Idoia Azurmendiren kontzertua iragarri dute. Kalegoen plazan izango da kontzertua, 22:30ean hasita.
Domeka eguerdian, berriz, Niala magoa ibiliko da tabernaz taberna magia jokoak egiten.