2021ean Elgoibarko Herriko Antzokian eman zuten kontzertua eta hurrengo urtean Kalegoen plaza jendez gainezka zela eman zuten zuzenekoa, 2022ko sanbartolomeetan. Iaz, berriz, Maalako parkean aritu ziren, Kintoen Eguna musikaz girotuz. Hala, herriko eszenatoki ia denak probatu dituztela esan daiteke. Joan den San Bartolome jaietan ere eman behar zuten kontzertua Kalegoen plazan, baina eguraldi-iragarpenak ekaitza ematen zuela-eta, bertan behera laga zuten kontzertu hura. Emateke gelditu zen kontzertuarentzat data berria aukeratu du Elgoibako Udalak eta urriaren 26a, zapatua izango da hori. Oraingoan ez dira zerura begira egon beharko, Maalako parkean izango baita, aterpean. 19:00etan hasiko da.
Zangozaldea eskualdeko Oibar (Nafarroa) herrian sortu zen Puro Relajo, 2013an. Mexikoko doinu klasikoenetatik hasita, euskal abesti ezagunak ere eskainiko dituzte.
