Sanlok 25 urte bete ditu aurten, eta ospakizunen barruan Sanlobeer garagardo azoka inauguratu berri dute. Maalako parkean jarri duten karpara hurbildu dira Udaleko ordezkariak azokari hasiera emateko, eta Maialen Gurrutxaga alkateak eta German Telleria klubeko presidenteak inauguratu dute ofizialki Sanlobeer.
Ekitaldia bera baliatu dute baita ere Sanloko taldeen babesleei eskerrak emateko. Sanloko kamiseta bana koadro batean sartuta oparitu diete. Babesle guztiek ez dute ekitaldian parte hartzerik izan, baina han izan dira besteak beste, Kirol Patronatua, Malape, Tantaka, Bankoa, Berkoa, Alcorta, Deuko Izarra eta Deca enpresetako ordezkariak. Telleriak eskerrak eman dizkie guztiei eta aurtengo denboraldian babesleengana gehiago gerturatzen saiatuko direla adierazi du.