Debegesako arduradunen berbetan, “sarritan
informazio faltagatik enpresa bat sortzerako orduan kontutan izaten ez
diren gaiak biltzen ditu gidak eta behin negozioa martxan egonda
konpontzeko zailak eta neketsuak direnak”.
Mari Mar Alonso, Udalsarea 21eko koordinatzaileak, Debabarreneko eskualdearen izaera berritzailea azpimarratu zuen aurkezpenean. “Ingurugiroaren aldeko izaera bereziki nabarmentzen da eskualde honetan eta garrantzitsua da Debegesak alor honetan egindako lana azpimarratzea”. Koldo Aizpuruaren, Euskadiko Kutxaren Gipuzkoako Lurralde Zuzendari eta Gaztempresa Fundazioko patroiaren, hitzetan, “gida hau euren enpresa propioa sortu nahi dutenei zuzenduta dago eta bertan, energia kontsumo eta hondakin sorrera handiagorik gabeko garapena lortzeko tresnak ezagutarazten dira”. Bere hitzetan, garrantzitsua da ekonomia eta ekologia eskutik bat eginda joatea.
Debegesako Garapen Iraunkorrerako Sailaren arduradunak, Aitziber Cortázarrek, gida berri honen edukiak aurkeztu zituen. "Debegesako Enpresa berriak sortzen laguntzeko zerbitzuaren potentziala aprobetxatzea beharrezkoa dela uste dugu, urtean zehar 170 ekintzaileren kontsultak jasotzen baititugu. Gida hau sor ditzazketen negozioen eta ingurumenarekin lotutako alderdiak beraiei hurbiltzeko aukera ezinhobea dela uste dugu".
Gida Berdea 3 ataletan banatzen da
1- Negozio bat martxan jartzeko Jarduera Lizentzien eta Irekitzeko Lizentziak.
2- Ingurumen-eragina duten alderdiak: hondakinak, ura, lurzorua, zarata, energia eta mugikortasuna. Atal honetan negozio berriak izan ditzakeen ingurumen-eraginak azaltzen dira eta hauek saihesteko bideak. Bestalde, hasieratik ekoizpen garbiarekin lanean hasteak duen garrantzia azpimarratzen da eta sortu daitezkeen ingurumen-kostuak murrizteko oinarrizko ideiak aurkezten dira.
3- Informazio gehigarri eta kontaktuen gida. Ingurumenarekin lotutako kontsultak egin nahi dituenarentzat beharrezko kontaktu guztiak. EAEri dagozkion kontaktu orokorrak eta Debagoiena, Debabarrena eta Urola Erdiko eskualdeei dagozkien kontaktu zehatzak.
Teoria praktikara eraman duten adibideak
Enrike Gisasola (Sosola Baserria) eta Oneka Arkitektura Estudioko arduradunak euren esperientzia praktikoak aurkeztu zituzten. Biek negozioa egiteko eredu berria defenditu zuten, ingurumena errespetatzen duen eredua hain zuzen. Ingurumenarekiko errespetu hau, gainera, faktore diferentziala izan daiteke enpresarentzat eta egungo merkatuan lehiakortasunerako eragilea. "Azken finean, eskaintzen ditugun zerbitzuei balio erantsia emateko bidea ere izan daiteke honako hau".
Enrike Gisasola (Sosola Baserria) eta Oneka Arkitektura Estudioko arduradunak euren esperientzia praktikoak aurkeztu zituzten. Biek negozioa egiteko eredu berria defenditu zuten, ingurumena errespetatzen duen eredua hain zuzen. Ingurumenarekiko errespetu hau, gainera, faktore diferentziala izan daiteke enpresarentzat eta egungo merkatuan lehiakortasunerako eragilea. "Azken finean, eskaintzen ditugun zerbitzuei balio erantsia emateko bidea ere izan daiteke honako hau".