Lorak izango dira hileko azken zapatuko feriako berrikuntza nagusia

elgoibarren.net 2009ko ots. 26a, 13:56
Deskargatu Info Ahotsak :
es en fr

 
Hileko azken zapatuko feria berrikuntzekin dator otsailean, eta ohiko produktuez gain, loreak erosteko aukera ere egongo da zapatuan (otsailak 28). Gainera, azokako postuetan produktuak erosten dituzten herritarren artean, martxoan Herriko Antzokian egingo diren kultur ikuskizunetara doan joateko bi sarrera zozketatuko dituzte.


•Egitaraua

1706640492471 Lorak izango dira hileko azken zapatuko feriako berrikuntza nagusia

 Goizeko 9:00etatik aurrera, baserriko produktuak saltzeko postuak egongo dira Nafarroa Plazan. Lizundia Txabola, Zabaleta, Arrasketa, Eguen Txiki eta Pagoa loradenda bertan izango dira.  Mausitxa baserrikoak ez dira egongo, neguko hilabeteetan gaztarik ez dutelako edukitzen. 13:30ak arte egongo da erosketak egiteko aukera. Bestalde, 11:00etan ganadudunek euren animaliak erakutsi eta salgai ipiniko dituzte. Trikitilariak arituko dira giroa alaitzen.

•Baserriko produktuak merkaturatzea

1706640492504 Lorak izango dira hileko azken zapatuko feriako berrikuntza nagusia

 
 Hileko azken zapatuko feria Udalak eta Debemenek antolatzen dute elkarlanean. Baserriko produktuak sustatu eta merkaturatzea da azokaren helburua, eta antolatzaileek herritarrak animatu nahi dituzte azokan parte hartzera. Datozen hilabeteetan ere postu berriak ipintzea da antolatzaileen asmoa, eta gogoratu nahi dute, norbaitek hileroko azokan parte hartzeko interesa baldin badauka, Debemen elkartera deitu dezakeela izena emateko (943 744 067).
 
∞Lotura duten albisteak:
Ekonomia Elgoibar