“Atzeralditik atera gara eta egoera ekonomikoaren adierazleek jarduera industriala (salgaien joan-etorria Bilboko portuan, enpresen energia kontsumoa…) berreskuratzeko bidean dela erakusten dute. Sei hilabetetarako aurreikuspenak ere ez dira txarrak, baina egoera zaila da oraindik ere”, uste du Undak.
Euskal industria uste zena bezain lehiakorra ez ote zen galdetzen zaioenean, “krisialdietan mozorrotutako bizio guztiak” argitara irteten direla dio Industria sailburuak. “Oparoaldian, denontzat lana dagoenez, gabeziok mozorrotzeko aukera dago, baina lehiakortasuna areagotzen denean ikusten da zein diren benetan lehiakorrak. Eta Euskadi ez da salbuespena. Euskal industria, oro har, lehiakorra zen aurreko egoeran. Orain, etapa berri honetan, merkatua txikiagoa da, prezioak baxuagoak eta mozkinak txikiagoak. Hortaz, euskal industriaren erronka, krisiaren ostean sortu den eszenatoki berrian lehiakorra izateko egin beharrekoak egitea izango da”. Sailburuarentzat ez dago errezeta magikorik: “prozesuen hobetzea, malgutasun handiagoa eta merkatura egokitzea, berrikuntza gehiago, nazioartera are gehiago zabaltzea, kostuak gutxitzea, e.a.”.
∞Lotura duten albisteak: