Tabernen arteko II. Pintxo Lehiaketa ekainaren 24an eta 25ean izango da

elgoibarren.net 2010ko mai. 13a, 10:00
Deskargatu Info Ahotsak :

 
Iaz modu arrakastatsuan hasi zen pintxo lehiaketak jarraipena izango du aurten, Udaleko Merkataritza Sailak Elgoibarko II. Pintxo Lehiaketa antolatu baitu, datorren ekainaren 24 eta 25erako. Elgoibarko edozein ostalaritza establezimenduk parte hartu ahal izango du ostalaritza sektorea sustatzeko asmoz antolatu den lehiaketan. Lehen edizioko pintxo irabazleak Paulaner Txarriduna eta Gabi jatetxeek egin zituzten.


1706639703023 Tabernen arteko II. Pintxo Lehiaketa ekainaren 24an eta 25ean izango da

 Izena emateko epea maiatzaren 20ra arte zabalik egongo da eta parte hartu nahi duten ostalariak Elgoibarko Udaleko Merkataritza Sailarekin jarri beharko dira harremanetan, 943 741 050 telefonora deituz. Izena ematerako orduan, establezimenduaren datuez gain, pintxoaren izena (euskaraz) eta osagai nagusiak adierazi beharko dira. Izena ematen duten ostalariekin bilera bat egiteko asmoa dutela azaldu dute Merkataritza Saileko arduradunek, “lehiaketaren nondik norakoak komentatu eta zehazteko”.

Izen aldaketa
  Gurean Bai-merkataritza egitasmoaren etena dela-eta lehiaketaren izena aldatu egin da; Gurean Bai Pintxo Lehiaketa moduan hasi zena, tabernen arteko Pintxo Lehiaketa izango da aurten.
 
 
 
Ekonomia Elgoibar