Merkatari txikiek herriko bizitzan duten garrantzia aldarrikatu zuten Txankakuaren ferian

elgoibarren.net 2010ko ira. 20a, 14:08

Txankakuaren urteroko feriak kalera atera zituen, beste behin, merkatariak. Duela hamar urte hasitako ohiturari jarraituz, elkarteko kideek 14 postu prestatu zituzten euren produktuak erakutsi eta saltzeko. Alabaina, produktuak saltzeko baino, herritarren eta saltzaileen arteko harremana sendotzeko, eta merkatari txikiek herriaren bizitzan duten garrantzia aldarrikatzeko jardunaldia izaten da Txankakuaren feria. (argazkiak dauzka)

1706639496875 Merkatari txikiek herriko bizitzan duten garrantzia aldarrikatu zuten Txankakuaren fer

Eguraldia lagun, jende asko ibili zen, zapatu goizean, Txankakuako ferian parte hartu zuten dendarien postuen bueltan. Umeentzako puzgarriek, eta, batez ere, Txu-txu trenak ere jendetza erakarri zuten, eta denen artean giro polita sortu zuten herriko kaleetan. Urtero legez, ikusmin handiena eta lagun gehien batu zituen ekintza, baina, 100 euroko sei erosketa txekeen zozketa izan zen (ondoko argazkian dauzkazue irabazleak).

•Argazkiak:

Ekonomia Elgoibar