Debabarrenako Garapen Ekonomikorako elkarteak, Debegesak, enpresa berriak sortzen laguntzeko zerbitzu bat dauka. Eskualdeko ekintzaile ugari lagundu dituzte bertan azken urteotan (ikusi hemen: lagundutako enpresen gida). Enpresa berri bat sortzeko prozesuan aholkularitza da, batez ere, garapen ekonomikorako elkarteak ekintzaileei eskaintzen dien laguntzarik handiena. Iaz, esaterako, 32 kontsulta jaso zituzten. Debegesaren laguntzari esker Elgoibarren sortutako enpresak, baina, hamar izan ziren. Eskualdean 42 enpresa berri eratzen lagundu zuen, 2010ean, Debegesako Enpresa-proiektu Berrientzako Laguntza Zerbitzuak. Horiei esker 52 lanpostu zuzen sortu dira.
Honako hauek dira 2010ean Elgoibarren sortutako enpresetako batzuek:
- Mantenimiento Innovador Elgoibar XXI S.L.
- Maap Elgoibar, S.L.
- Laserlan Industria (Interferometría)
- Berbak (kontakizun pertsonalizatuak: biografi pertsonalak, enkarguzko ipuinak, e.a.)
- Julia Quintana (estetika zentroa)
- Oscar Mazariaga (janari denda)
- Ekar Soldadura, S.L.L.
- Iban Barrenetxea (ilustratzaile grafikoa)
- Kinka Larri (opari denda)
Urtero moduan, Ekintzailearen Eguna antolatu du Debegesak. Aurtengoa maiatzaren 26an, eguena, izango da. Ekintzaileek euren esperientzia eta ezagutzak elkartrukatu eta sormena bultzatzea da, besteak beste, egun honen funtsa. Aukera profesional berriak sustatzeko bilguneak erraztea da beste helburuetako bat. Informazio gehiago: Ekintzailearen Eguna 2011
•Ekintzaileen testigantzak
Enpresa berriak sortu dituzten ekintzaileen testigantzak ere jaso dituzte Debegesakoek. Enpresa jartzea zergatik erabaki zuten eta esperientzia nolakoa izan zen galdetu diete. Ondorengo bideoetan dauzkazue erantzunak.
{vimeo}5573619{/vimeo}
Enpresa berriak sortu dituzten ekintzaileen testigantzak ere jaso dituzte Debegesakoek. Enpresa jartzea zergatik erabaki zuten eta esperientzia nolakoa izan zen galdetu diete. Ondorengo bideoetan dauzkazue erantzunak.
{vimeo}5573619{/vimeo}
{vimeo}5905914{/vimeo}
∞Lotura duten albisteak: