•"Luxuzko sherpak"
Emilio Durò, nazioarteko aholkulari eta hizlariaren solasaldi batekin hasi dute ospakizun ekitaldia Idekoko langileek eta gonbidatuek. Ondoren, enpresa ezagutzeko bisita gidatua egin dute agintariek, eta, horren ostean, Ramon Uribe-Echeberria, Ideko-IK4ko Zuzendari Gerenteak, Rafael Barrenecheak, Jose Maria Aldekoak eta Patxi Lopezek hartu dute hitza. Lehendakariak Ideko moduko zentro teknologikoek lantzen duten berrikuntza krisiari aurre egiteko tresnarik baliotsuena dela adierazi du, eta Elgoibarko enpresa honek, gainerako euskal enpresentzat "luxuzko sherparen" lana egiten ari dela azaldu du: "Etorkizunean eraiki nahi dugun herrialde mota aukeratzeko gidari eta eredu lanak egiten dituzte Ideko zentro teknologikoa moduko enpresek".
|
|
|
|
•I+Gan BPGren % 3, 2015erako
Eusko Jaurlaritza ikerkuntza, garapena eta instituzionalizazioaren aldeko apustu sendoa egiten ari dela esan du Lopezek. "Nire gobernuak ongi daki eta guztiz konprometituta dago arlo honetan, Berrikuntzarenean, alegia. Gure historian lehen aldiz Barne Produktu Gordinaren %2a igo dugu berrikuntzan. Hau da, oparoaldietan baino gehiago inbertitzen ari gara, eta horrela jarraitu nahi dugu etorkizunean", Hala, Zientzia, Teknologia eta Berrikuntza Plan berriaren esparruan, Eusko Jaurlaritzak finkatutako helburua agertu du: Euskal enpresek ikerketan eta garapenean egiten duten inbertsioa BPGren % 3ra iristea 2015erako. "Hori lortzeko denok batera lan egin behar dugu, ordea, instituzio, enpresa, zentro teknologiko... euskal gizarte osoaren egitasmoa dugu hau, hain zuzen ere. Partekatzen dugun ADNan berrikuntzaren genea ezartzea da gauza", azaldu du.
- AUDIOA: Patxi Lopezen hitzaldia osorik.
Iturria: Irekia - Eusko Jaurlaritza
BIDEOA:
Fuente: Irekia - Gobierno Vasco
ARGAZKIAK: (Picasan)