Negoziazio kolektiboaren aldeko manifestazioa Elgoibartik igaro da

elgoibarren.net 2012ko eka. 1a, 15:03
Deskargatu Info Ahotsak :
es en fr

Industria, lana eta zerbitzu publikoen defentsan Araba, Bizkaia eta Gipuzkoa zeharkatzen ari dira hainbat herritar, CCOO sindikatuaren EAEko ordezkaritzaren deialdiarekin bat eginez. Eibar eta Arrasate arteko bidea oinez egin dute manifestariek, Negoziazio kolektiboaren alde. Ekoizpen eta industria ehunaren defentsan zioen pankartaren atzetik. Argazkian, eguerdi aldean, Elgoibarko kaleetatik pasa diren unea.


1706638268071 Negoziazio kolektiboaren aldeko manifestazioa Elgoibartik igaro da

Lana, duintasuna, eskubideak. Danok Gernikara goiburuarekin mobilizazio handia egin nahi du CCOO sindikatuaren EAEko ordezkaritzak, ekainaren 2an, Gernikan (Bizkaia). Gernikara oinez joango dira CCOOeko kideak, hiru zutabetan banatuta: Arabatik, Bizkaitik eta Gipuzkoatik abiatuta.
 Arabakoak langabeen babeserako neurriak aldarrikatuko ditu, eta Barakaldotik ateratakoak zerbitzu publikoen babesa eta beste fiskalitate bat eskatuko du. Irundik gaur abiatu den zutabeak, azkenik, ekoizpena eta industria ehunaren defentsa eta negoziazio kolektiboak aldarrikatu ditu.
 
 
 
 
Ekonomia Elgoibar