Bigarren eskuko bizikleten azokarekin amaitu zen mugikortasun iraunkorraren astea

elgoibarren.net 2013ko urr. 23a, 12:31
Deskargatu Info Ahotsak :

 
Bigarren eskuko bizikleta azoka egin zen zapatuan Elgoibarren, mugikortasun iraunkorraren astearen barruan. Guztira, 27 artikulu egon ziren saltzeko edo trukerako, eta horietatik zortzi saldu ziren, tartean lau bizikleta.

 

 Bizikleten azokan bi bizikleta zozketatu zituzten, bata parte hartzaileen artean, eta bestea erosleen artean eta hauek izan ziren saridunak: Yosu Sanz eta Unai Neabe. Bestalde, Oin-alai egitasmoko iraileko eta urriko zozketan bizikleta bana irabazi dutenen izenak ere jakinarazi ditu Elgoibarko Udalak: Ekain Bastida eta Eider Ribao.

Iban Gonzalez bizikletak konpontzen. Arg: elgoibar.org.

Antolatzaileek jakinarazitakoaren arabera, herritar ugari hurbildu zen bizikleten feriara. Sal erosketarako aukeraz gaitera, bizikletak konpontzeko aukera ere izan zuten zapatean Lekueder plazara hurbildu zirenek. Izan ere, Gobike dendako Iban Gonzalezek, dohainik konpondu zituen eraman zizkioten bizikletak. Gainera, bizikleta arrunt bat bizikleta elektriko nola bihurtzen den ikusteko erakustaldia eskaini zuen.
 
 
Ekonomia Elgoibar