Jose Rojano sukaldari elgoibartarra hiru Eguzkirekin saritu du 2013 Repsol Gidak

elgoibarren.net 2013ko abe. 12a, 11:50
Deskargatu Info Ahotsak :

 
Jose Rojano elgoibartarra Las Palmaseko (Kanaria Handikoa) Santa Catalina hotelean dagoen La Terraza jatetxeko sukaldari burua da. Repsol Gidak ematen dituen gastronomia sarien kalifikazio gorena, hiru Eguzki, jaso berri ditu. Honenbestez, Kanarietako sukaldari onena da Rojano 2013 Repsol Gidaren arabera. Araba, Gipuzkoa eta Bizkaian sona handiko jatetxeek bakarrik lortu dituzte hiru Eguzki: Akelarre, Arzak, Etxebarri, Martin Berasategi, Mugaritz, Nerua eta Zuberoak.




 Kanaria uharteetan Repsol Gidaren {Campsa izenaz ezagutzen zen lehen} gastronomia sarien kalifikazio gorena lortu duen estreinako jatetxea da Jose Rojanok zuzentzen duen La Terraza. Rojanok 43 urte dauzka eta bost urte daramatza La Terraza jatetxean lanean, eta hamar urte igaro dira Kanarietara joan zenetik. Gasteizko Gamarra sukaldari eskolan ikasketak amaitu eta gero joan zen Kanaria uharteetara. Atlantico jatetxean hasi zen lanean eta bere sukaldari lana ezagutzera ematen. Gero, Kanaria Handiko La Casita eta Madras jatetxeetan aritu zen lanean. Maspalomaseko Golf Klubean denboraldi bat egin ostean iritsi zen bost izarretako Santa Catalina hoteleko La Terraza jatetxera. Han, mangoz eginiko gazpatxoak edo platanoekin eginiko foie grasak, besteak beste, ospe handia eman diote, bai Kanarietan eta baita handik kanpo ere. Aurten arte bi Eguzkirekin saritzen zuen Repsol Gidak La Terraza jatetxea, eta aurten hiru Eguzki jaso ditu estreinakoz.

1706637120170 Jose Rojano sukaldari elgoibartarra hiru Eguzkirekin saritu du 2013 Repsol Gidak

1706637120242 Jose Rojano sukaldari elgoibartarra hiru Eguzkirekin saritu du 2013 Repsol Gidak

•41 Eguzki Araba, Gipuzkoa eta Bizkaian

Jose Rojano, eskuinetik laugarrena, sari banaketa ekitaldian.

Araba, Gipuzkoa eta Bizkaian ditugu sari gastronomiko nagusiena, Repsolen hiru Eguzkiak, duten jatetxe kopururik handiena: Akelarre, Arzak, Etxebarri, Martin Berasategi, Mugaritz, Nerua eta Zuberoa jatetxeek orain arte zituzten hiru Eguzkiak mantendu dituzte 2013an argitaratu duten gida gastronomikoan. Guztira 41 Eguzkirekin saritu du 2013 Repsol Gidak gure lurretan dauden jatetxeetan egiten duten lana. (ikusi hemen: euskal jatetxerik onenak 2013 Repsol Gidaren arabera)
 
 
 
Ekonomia Elgoibar