Baserriarekin eta landa eremuarekin zerikusia duten ekimenak antolatzeko egitasmoaren baitan, gatzatu tailerra antolatu dute otsaileko azken zapatuko feriarako Elgoibarko Udalak eta Debemenek. Gatzatu tailerra antolatzen duten hirugarren aldia izango da. 12:30etan hasiko da eta 14:30ak arte egingo dituzte gatzatuak. Gainera, tailerrean parte hartzen duten lagunek egiten dituzten gatzatuak jan edo etxera eramateko aukera izango dute.
11:00etatik aurrera, berriz, herriko baserri eta harategietako produktuekin eginiko pintxoak salduko dituzte Kalamua Elgoibarko Herri Eskolako ikasleen gurasoen elkarteko kideek, Kalebarren plazan egongo den txosnan.
•Egitaraua:
- 9:00-14:00 Baserriko produktuen salmenta Kalebarren plazan.
- 11:00etatik aurrera, Elgoibarko baserrietako eta harategietako produktuekin osatutako pintxoak Kalebarren plazan.
- 12:00 Kale kantariak. Kalebarren plazan hasi eta Elgoibarko kaleak alaituko dituzte.
- 12:30 -14:30 Gatzatu tailerra Kalebarren plazan.