Joan zen asteburuan pintxo lehiaketa izan zen Mendaron, bosgarren urtez, eta Mendaroko Udalak gaur jakinarazi ditu irabazleak. Epaimahai teknikoak Menditxo tabernak aurkeztutako Mendibost pintxoari eman dio lehen saria (txapela, kopa eta diploma). Orain arte jokatu diren bost edizioetatik bitan irabazi du Menditxok epaimahaiaren saria eta hiru alditan lortu du Herritarren Saria. Iaz gainera, epaimahaiaren saria ez ezik herritarrena ere irabazi zuen Menditxok.
Aitz Beltz tabernak irabazi du bigarren saria Atun piperrada pintxoarekin eta Toki Alai tabernako Otarrainxka bildua pintxoari eman diote hirugarrena. Epaimahai teknikoak aurkezpena, zaporea, originaltasuna eta testura baloratu ditu eta pintxoen maila “oso handia” izan dela nabarmendu dute.
Herritarrek ere izan dute, baina, pintxoak baloratu eta bozkatzeko aukera. Toki Alai tabernako Otarrainxka bildua pintxoak jaso du boto gehien, eta honenbestez, Herritarren Saria.
Botoa eman zuten lagunen artean 50na euroko bi bonu zozketatuko ditu Mendaroko Udalak, taberna irabazletan gastatzeko. Naroa Zubia eta Goiatz Andonegi izan dira sarituak.
Mendaroko V. Pintxo Lehiaketako sari banaketa ekitaldia maiatzaren 3an egingo dute udaletxean, 19:00etan.
•2.000 pintxo
Mendaroko Udalak jakinarazi duenez, 2.077 pintxo saldu zituzten pintxo lehiaketan parte hartu zuten hamar tabernek, joan den apirilaren 23an eta 24an. Iaz baino bi taberna gehiagok hartu dute parte lehiaketan, eta, iaz 220 pintxo gehiago saldu dituzte guztien artean.
∞Lotura duten albisteak:
-
Menditxo tabernak irabazi du Mendaroko pintxo lehiaketa (2015-04-23)
-
Uztargik irabazi du Mendaroko pintxo lehiaketa, bigarren urtez jarraian (2014-05-14)
- Uztargi tabernak irabazi du Mendaroko bigarren pintxo lehiaketa (2013-05-07)
- Herriko taberna guztiek parte hartuko dute Mendaroko II. Pintxo Lehiaketan (2013-04-25)
- Pintxo solidarioa antolatu dute (2013-02-22)
- Aho-gozagarri txikiak (2012-11-23)
- Erotismoak hartuko du Elgoibar azaroaren 22tik 24ra artean (2012-11-19)
- King-Kong tabernak aurkeztutako 'Udaberriko Bakailaoak' irabazi du pintxo lehiaketa (2012-06-28)
- Hogeita bat tabernak hartuko dute parte laugarren pintxo lehiaketan (2012-06-14)
- Txirristaka tabernak irabazi du Mendaroko pintxo lehiaketa (2012-05-30)
- Pintxo lehiaketak Elgoibarren eta Mendaron (2012-05-23)
- Gabi jatetxeko Mozzarella Meteoritoa nagusi hirugarren pintxo lehiaketan (2011-07-06)
- Pintxoak jatera, eta bozkatzera (2011-06-30)
- Hamabost tabernarik parte hartuko dute hirugarren pintxo lehiaketan (2011-06-22)
- Txarridunak irabazi du bigarren urtez Pintxo lehiaketako sari nagusia (2010-07-02)
- Pintxo irabazleak berriz dastatzeko aukera izango da barixaku honetan (2010-06-30)
- Hamabi tabernak parte hartuko dute pintxo lehiaketan (2010-06-17)
- Tabernen arteko II. Pintxo Lehiaketa ekainaren 24an eta 25ean izango da (2010-05-13)
- Arrakastak irentsi du estreinako Pintxo Lehiaketa (2009-07-01)
- Pintxo onenak 'Paulaner Txarriduna' eta 'Gabi' jatetxeek egin dituzte (2009-07-01)
- Pintxoak euro baten truke Gurean Bai I. Pintxo Lehiaketan (2009-06-19)