Maite Maiora: "Irabazteak bakarrik balio zidan oraingoan"

Ametsa egi bihurtu zuen Maite Maiorak (Mendaro, 1980) joan den domekan, Zegama Aizkorri mendi maratoian. Bera izan zen azkarrena eta jantzi zioten txapela, baina asko izan ziren haren garaipenaz poztu zirenak. Handia egin zuen eta hunkituta ageri ziren senide eta gertukoak,  tartean Iñigo Lariz (Elgoibar, 1983), astebete aurretik kilometro bertikalen Espainiako Txapelketan podiumean lagun izan zuena. BARRENek mahai berean batu ditu biak.