Alex Sardui, Jon Gurrutxaga eta Jon Zabala abeslariekin batera emango du kontzertua Udal Musika Bandak Rock Gauan

Elgoibarko Udal Musika Bandak eta herriko musikari talde batek 2016ko ekainean eskaini zuten lehenengo Rock Gaua. Rock talde ezagunenetarikoen kantuak jo zituzten: Metallica, AC/DC, Scorpions, Deep Purple, Ken Zazpi eta Gatibu, besteak beste (ikus hemen zenbait abesti).  Bandaren kontzertuetara publiko “berria eta gazteagoa” erakartzeko asmoz antolatutako kontzertuak jendez bete zuen Maalako parkea. Iaz, berriz, Valladolideko Celtas Cortos taldearekin batera eman zuen kontzertua Bandak. Kalegoen plazan jendetza batu zen iaz ere.

Aurten rock doinuetara itzuliko da Musika Banda. Ekainaren 8an eskainiko duten Rock Gauan Gatibu taldeko Alex Sardui, Jon Gurrutxaga eta Jon Zabala abeslariekin batera joko dituzte rock abestiak. Gorka Mujikak zuzenduko du 22:30ean hasiko den kontzertua.

∞ Lotura duten albisteak:

• Kalegoen plaza jendez gainezka, Celtas Cortos eta Elgoibarko Udal Musika Bandaren kontzertuan (2017-06-17)
• Gorka Mujika: “Gaur ere herritarrek ez digute hutsik egingo; seguru nago” (2017-06-16)