2018-2019 ikasturtea hasi dute gaur eskola umeek. Lehen eguna alaitasunez hasteko, Oin Alaiko erabiltzaileek trikiti doinuek girotuta egin behar zuten eskolarako bidea, baina goizean euria ari zuela-eta bertan behera gelditu da aurreikusita zegoen trikitilarien saioa. Euria, baina, ez da eskolara ez joateko aitzakia nahikoa izan ikasleentzat, eta musikarik gabe izan bada ere ikastetxera joan dira horiek.
• Herri Eskolako ikaslerik gabe, momentuz
Urte batzuetan partaide kopurua txikia izan bada ere, azken bi urteotan ikastetxera Oin Alairekin oinez doazen umeen kopurua igo egin dela jakinarazi dute arduradunek, eta horrek proiektua "egonkortu" duela nabarmendu dute. 2010.urtean abian jarri zuten Oin Alai, ikasleak ikastetxeetara oinez joatea sustatzen duen ekimena. Ikastolak mantendu egin du iazko ikasle kopurua eta boluntarioen kopurua ere igo egin da, egitasmoaren jarraipena bermatuz. Herri Eskolaren kasuan, aldiz, egoera bestelakoa da, garraio publikoa eskaintzen duen heinean, askok ez dutelako Oin Alai zerbitzuaren beharrik. Hala, aurten, eta momentuz, Herri Eskolako ikaslerik ez da izango. Hala ere, ikasle eta boluntario gehiago animatuz gero, ez dute baztertzen proiektua berriro martxan jartzeko aukera.
Haur eta Lehen Hezkuntzako ikastetxe biek, eta bakoitzaren guraso elkarte eta kontseiluek, "guztiz sinisten dute proiektuan" eta argi dituzte egitasmoak sorrarazten dituen onurak zeintzuk diren, bai herrian, bai umeengan. Eta horregatik, parte hartzera animatu dituzte herritarrak.
∞ Lotura duten albisteak
- Oin Alai berezia egin dute, ikasturtea agurtzeko (2018-06-15)
- Oin Alaiko erabiltzaileei antzerki eta zinerako sarrerak oparitu dizkie Udalak (2018-02-06)
-
Oin Alai egitasmoa laguntzaile berrien bila dabil proiektua indarberritzeko (2017-10-11)
- Trikitixa eta txaranga doinuek girotuta hasi dute ikasturtea Elgoibarko eskola umeek (2017-09-07)
- Oin Alai berezia egin dute zazpigarren urtemuga ospatzeko (2017-05-26)
- Hasi da ikasturtea Oin Alairekin(2016-09-07)
- Oin Alai bereziarekin hasi da barixakua(2016-06-10)
- Herri Eskolako ume eta boluntarioek eusten diote Oin alai egitasmoari(2015-09-09)
- Trikiti doinuekin hasi dute ikasturtea herriko umeek(2014-09-08)
- Ikasturteari agur esateko Oin Alai berezia egin dute(2014-06-06)
- Abian da ikasturte berria(2013-09-06)
- Oin alai berezia egingo dute ekainaren 6an, Porrotx eta irrien lagunekin(2013-05-31)
- Berriz ere eskolara(2012-09-06)
- Zabalik dago datorren ikasturterako Oin Alain izena emateko epea(2012-06-08)
- Trikiti doinuekin hasi du ikasturtea Oin Alaik(2011-09-06)
- Oin Alai bereziarekin ospatu dute ekimenaren lehen urteurrena(2011-06-03)
- Oin Alai ekimenak boluntarioak behar ditu(2010-09-03)
- Probaldi arrakastatsuaren ostean irailean izango du jarraipena Oin Alai ekimenak(2010-07-22)
- Martxan da 'Oin alai' programaren proba pilotua(2010-06-08)
- Ikasleak eskolara oinez joatea bultzatu nahi du 'Oin Alai’ proiektuak(2010-05-14)