IZA Obras y Promociones SA enpresari espedientea zabaltzea erabaki zuen Elgoibarko Udalak otsailaren 28ko Osoko Bilkuran, Aita Agirre eraikineko lanetan atzeratu egin zelako. Atzerapen egun bakoitzeko 631,27 euroko isuna jartzea erabaki zuen. Udalaren esanetan, urtarrilaren 15erako bukatu behar zituzten lanak, hortaz, egun horretatik obren harrera egiteko akta sinatzen zen egunera arteko isuna jartzea erabaki zuen. Iza enpresak alegazioak aurkeztu ditu, esanez ez dagoela ados lanen amaiera data horrekin, eta bere ustez, maiatzaren 15a hartu behar dela amaiera data moduan. Enpresaren esanetan, Administrazio Baldintza Berezien pleguaren 2. baldintzak ezartzen du obrak gauzatzeko epea 18 hilabetekoa izango dela. Horrez gain, epea bi hilabetez luzatu zela diote, eta kontratuan bertan ezarrita zegoela hilabeteko etenaldia egingo zela. Hortaz, enpresak dio 22 hilabeteko epean bukatu behar zituztela lanak, hau da, maiatzaren 15erako, eta isuna egun horretatik aurrera aplikatu beharko litzaikeela.
Joan zen astean batu zen Udalbatza, eta ez zuen onartu IZA Obras y Promociones SA enpresaren alegazioa. Beraz, isuna jarriko diote. Udaleko arduradunek esan dute egia dela Baldintza Administratibo Berezien pleguan obren gauzatze epea 18 hilabetekoa izango zela adierazten zela, baina IZA enpresak hamalau hilabetetan egingo zuela adierazi zuela eta horrela jaso zutela 2017ko uztailean sinatu zuten kontratuan. Une honetan, beraz, Udalak ez daki obrak noiz bukatuko diren, obren harrera egiteko beharrezkoa den akta ez dutelako sinatu oraindik.
∞Lotura duten albisteak:
- Udalak isuna jarriko dio Iza Obras y Promociones enpresari Aita Agirre kulturgunearen lanetan atzeratu egin direlako (2019-03-07)
- Aita Agirre kulturgunea maiatzean funtzionamenduan egotea aurreikusten du Udalak (2019-02-20)
- Aita Agirre plaza berrurbanizatzeko lanak urtarrilean hasiko dituztela jakinarazi du Udalak (2018-11-27)
- Aita Agirre kulturgunea ari da itxura hartzen (2018-09-28)
- Aldundiak 510.000 euro jarriko ditu Aita Agirre Kulturgunea birgaitzeko egitasmorako (2017-09-14)
- Aita Agirre eraikina birgaitzeko lanak 2,39 milioi euroan esleitu dizkiote IZA enpresari (2017-05-25)
- Aita Agirre eraikina berrantolatzeko proiektua ezagutarazteko webgunea zabaldu du Udalak (2017-01-16)
- Aukeratu dute nork erredaktatuko duen Aita Agirre eraikina berritzeko proiektua (2016-06-10)
- Udal Gobernua: “Kultur guneak berrantolatzeko parte-hartze prozesua herritar guztiei zabalik dago” (2014-07-08)
- EHBilduk ezinbestekotzat jotzen du udalaren kultura politika zehaztea (2014-06-26)
- Aita Agirreko eskolaren etorkizuna definitzeko parte hartze prozesua abian jarriko du Udalak (2014-04-01)
- Anbulatorioa Plaza Txikira? (2010-05-21)
- Izenez txikia baina izatez handia dela erakutsi du Plaza Txikiak (2010-10-04)
- Plaza Txikia eta inguruak asfaltatzeko lanak hasi dituzte (2007-01-31)