Antiguedadek eta Zabaletak Klima-aldaketa, uraren ikuspegitik izenburuko hitzaldia emango dute, Kultur Etxeko hitzaldi-gelan (19:30). Natura eta zientzia jardunaldien bigarren edizioko aurreneko saioa izango da.
Hizlariek aurreratu dutenez, asko berba egiten da klimaren-aldaketaz hedabideetan, baina gehienetan tenperaturaren igoerarekin (beroketa globala) lotzen da aldaketa, gerora begira prezipitazioetan izan daitezkeen gorabeherak bazterbatean lagata. Horrexegatik da garrantzitsua klima-aldaketa urarekin ere lotzea, ura ezinbesteko gaia delako, bizimoduaren baldintzatzailea. “Noiz-behinka hidrologoei egiten zaigun galdera hauxe da: zer-nolako emariak izango dira gure erreketan, edo iturrietan, mende honen erdian, kasurako? Zelako joerak aurreikusten dira ur kontuetan? Normalean galdetzen ez zai-guna zera da: Zer gertatu da gure erreketan azkeneko hamarkadetan? Izan ere, gertatu dena hortxe dago, jasotako emari-datuetan, gertatzeko dagoena, ordea, zalantzazkoa da, oso, beraz, egon badago aldea!”.
Hitzaldian saiatuko dira bi galderak erantzuten: nondik gatozen, segurua dena,eta nora goazen, dudazkoa. Eta agerian utziko dute gerora begira ursistemetan izan daitezkeen aldaketak ez direla klimaren aldaketatik bakarrik etorriko, baizik eta baita lurraldearen antolamendutik ere.
∞Lotura duten albisteak: