Elgoibarren apirilean baino hamaika lagun gehiagok eman dute izena Euskadiko enplegu-zerbitzu publikoen bulegoetan, eta 589 dira orain langabeak, hala %10,65ekoa da langabezia-tasa. Eskualdeko batezbestekoaren (%12,89) azpitik jarraitzen du, hortaz. Mendaro da maiatzean langabezia igo ez den herri bakarra Debabarrenean. 97 langabe zeuden apirilean eta 94 (%9,50) maiatzean. Eskualdeko datuak ez dira onak. Bi herrik gainditu dute %15eko langabezia tasaren langa, Eibarrek eta Soraluzek. Azken hiru urteotako langabezia-tasarik altuena neurtu dute Soraluzen, daturik okerrenak dituen eskualdeko herrian. Eibarren ere puntu erdi egin du gora langabeziak, eta apirilean baino 43 langabe gehiago zenbatu dituzte.
Hego Euskal Herriari dagokionez, maiatzean ez da martxoan eta apirilean bezainbeste enplegu galdu.Langabeziak gora egiten jarraitzen duen arren, apirilean 3.767 lanpostu galdu dira, aurreko hilean baino %72,1 gutxiago.
Era berean, Lanbidek jakinarazi du Aldi baterako enplegu-erregulazioko (ABEEE) espedientearekin izan diren pertsonen erdia irten dela, dagoeneko, egoera horretatik. Martxoaren erdialdetik, ABEEEren eraginpean egoteko metatutako eskabideak 200.652 pertsonarentzat izan ziren, eta, gaur egun, 100.300k jarraitzen dute egoera horretan. Datu on bat ere azpimarratu du Lanbidek, kontratazio-kopuruan igoera egon dela Araba, Bizkaia eta Gipuzkoan. Apirilekin alderatuta % 26,9 egin du gora. Jarduera "pixkanaka" suspertzen ari dela adierazten du datu horrek. Ostalaritza eta merkataritza dira eraginik gehien jasaten duten sektoreak; langabe berrietako 2.193 zerbitzuen sektorekoak baitira.
Langabezia datuak Debabarrenan, herriz herri:
| MAIATZA | Langabeak | Langabezia-tasa |
| Soraluze | 289 | %15,42 |
| Eibar | 1.926 | %15,27 |
| Elgoibar | 589 | %10,65 |
| Mutriku | 257 | %9,66 |
| Mendaro | 94 | %9,50 |
| Deba | 220 | %8,26 |
| Debabarrena | 3.395 | %12,83 |
| APIRILA | Langabeak | Langabezia-tasa |
| Eibar | 1.883 | %14,78 |
| Deba | 214 | %8,03 |
| Elgoibar | 578 | %10,45 |
| Mendaro | 97 | %9,81 |
| Mutriku | 250 | %9,39 |
| Soraluze | 280 | %14,94 |
| Debabarrena | 3.302 | %12,48 |
| MARTXOA | Langabeak | Langabezia-tasa |
| Eibar | 1.742 | %13,67 |
| Deba | 201 | %7,54 |
| Elgoibar | 550 | %9,95 |
| Mendaro | 82 | %8,29 |
| Mutriku | 237 | %8,91 |
| Soraluze | 259 | %13,82 |
| Debabarrena | 3.071 | %11,61 |
| OTSAILA | Langabeak | Langabezia-tasa |
| Eibar | 1.591 | %12,49 |
| Deba | 182 | %6,83 |
| Elgoibar | 525 | %9,49 |
| Mendaro | 78 | %7,89 |
| Mutriku | 236 | %8,87 |
| Soraluze | 241 | %2,86 |
| Debabarrena | 2.853 | %10,78 |
∞Lotura duten albisteak: