A.D. Ceuta taldeak mailaz igotzea lortu zuen aurreko denboraldian eta RFEF Bigarren Mailan lehiatzen ari da orain. Joan den domekan, hilaren 5ean, jokatu zuten Ligako lehen partida etxean, eta 2-3 galdu zuten C.F. Villanovenseren aurka. Futbolari elgoibartarrak ezin izan zuen bere talde berriarekin debuta egin. Ceutak abuztu amaieran fitxatu zuen atzelari elgoibartarra.
Umetan hasi zen Mikel Gurrutxaga elgoibartarra futbolean C.D. Elgoibarren, eta berehala fitxatu zuen S.D. Eibar taldeak. Hamabi bat urte egin zituen talde armaginean, eta handik Amurriora joan zen jokatzera. Han zegoela, Alavesek Finlandiako JS Hercules taldea erosi zuen, eta hara joateko aukera eskaini zieten taldekide batzuei. Ez zuen birritan pentsatu: maleta egin eta Finlandiara abiatu zen. Harrezgero, herriade eta kultura desberdinak ezagutzen ari da futbolari esker. Finlandiatik Estoniako Paide Linnameeskond futbol taldera joan zen jokatzera, eta joan den martxoan Lituaniako liga ezagutzeko aukera izan zuen FK Süduva taldeak fitxatu baitzuen. Orain, Ceutaraino eraman du futbolak, Afrika iparraldeko espainiar subiranotasuneko autonomia hirira.
∞Lotura duten albisteak