25 urtean kadete mailako txirrindularitza lasterketarik antolatzeke egon eta gero, iaz egin zuten Mendaro Herria txirrindularitza Sari Nagusiaren estreinako edizioa. 198 txirrindularik parte hartu zuten guztira, eta Donosti Berri taldeko Aimar Alarcia izan zen denetan azkarrena.
Zapatuan jokatuko dute bigarren ekitaldia, 11:00etan hasita. Mendaroko Txirrindulari Elkarteak (MTE) 43 kilometroko ibilbidea prestatu du kadete mailako txirrindularientzako. Hasi eta amaitu Herriko Enparantzan egingo da lasterketa. Mendarotik Bergararaino joango dira, Elgoibartik eta Soraluzetik pasata, eta bide beretik itzuliko dira Mendaroraino.
