Kultur Etxe osteko zubia itxita egongo da zorua berritzeko lanak amaitu bitartean

Barren.eus 2022ko urr. 17a, 16:13

Amaitu dituzte Goiko Errota zubiko zoladura berritzeko lanak. Kultur Etxe osteko zubian, berriz, joan den astean hasi zituzten zorua berritzeko lanak.

Zurezko itxura duten birziklatutako plastikozko lamak jarri dituzte Goiko Errota zubiko zoruan, eta beste horrenbeste egingo dute Kultur Etxe osteko zubiko zoladurarekin ere.

Elgoibarko Udaletik jakinarazi dutenez, bi zubi horien zorua berritzeko erabiliko duten materiala erabat birziklatua eta birziklagarria da, industria- eta hiri-hondakinekin birziklatutako plastikoekin egina, zabortegietatik ateratakoa.

Euria egiten zuenetan edo izotzarekin oso labainkor geratzen ziren egurrezko zorua duten zubiak eta pasabideak, eta horietan ez labaintzeko tratamendua eman izan du Udalak aurrez. Era berean, hotz eta beroaren kontastearen eraginez lamak dexentetan altxatzen ziren, estropezu egiteko arriskua handituz. Unean uneko konponteketekin eman diete irtenbidea arazo horiei orain artean, baina zorua erabat aldatzea erabaki dute orain.

Goki Erreformak enpresak egingo ditu berritze lanok, eta horretarako 39.641,18 euroko (BEZ kontuan hartu gabe) aurrekontua dute. Kultur Etxe osteko zubian egin beharreko berritze lanak joan den urriaren 10ean hasi zituzten eta hamar eguneko epean bukatuta egongo direla aurreikusten dute Udaletik. Lanak bukatu bitartean zubia ez da erabilgarri egongo.

2022 10 14 zubia zoroa konponduta goiko errota

2022 10 14 zubia zorua konpontzen elgoibar BARREN 1

‚ąěLotura duten albisteak