Elgoibarko PSE-EEren bozeramaile Ariana Nogalesek esan du sozialistak “gustura” daudela proiektu honekin, eta gogora ekarri du PSE-EEk udaletxeari aspaldi egin zion eskaera eta aldarrikapena dela honaka. Nogalesek prentsa ohar bidez adierazi duenez, 2012ko abenduko Udalbatzan sozialistek Gipuzkoako Foru Aldundiari adinekoentzako egoitza eraikitzeko akordio bat eskatuz aurkeztu zuten mozio bati esker lortu zen gehiengoa “funtsezkoa” izan da egitasmo honek orain arte eduki duen ibilbidean. Horri esker, Elgoibarrek egun dituen premiei eta etorkizunean izango dituenei erantzuteko gai izango den azpiegitura eraikitzea "inoiz baino hurbilago" ikusten dute. Ildo beretik, gogora ekarri dute sozialisten batzarkide taldeak Gipuzkoako Batzar Nagusietan ere aldarrikatu zuela azpiegitura hau eraikitzeko beharra, 2011-2015 legealdian.
Hori dela-eta, zentroa sustatzeko legealdi oso bat galdu izanaren pena du Nogalesek. "Izan ere, EH Bildu Gipuzkoako Foru Aldundiaren buruan egon zen lau urteetan proiektua geldiarazi zen, nahiz eta aurreko legealdian akordio bat lortu zen Gizarte Politiketarako sailarekin egoitza, eguneko zentroa eta adinekoentzako apartamentuak eraikitzeko eta kudeatzeko, eta foru-aurrekontuetan diru-kopuru bat ere esleitu zen proiekturako. Horregatik, egoitza berria zenbat eta lehenago abian jarri, hobe izango da Elgoibarko adinekoentzat, aspalditik baitaude egoitzaren zain eta arreta duina merezi dute", adierazi du.
∞Lotura duten albisteak:
- Errezabal zahar-egoitza eraikitzeko lizitazioa onartu du Aldundiak (2022-12-01)
- Lagin geoteknikoak hartzen jardun dute asteon Pilarren, zaharren egoitza eta lurpeko aparkalekua egiteko (2022-09-23)
- Errezabal egoitza berria eraikitzeko hitzarmena sinatu dute Elgoibarko Udalak eta Aldundiak (2022-06-01)
- Pilar ikastetxeko orubea Aldundiari laga dio Elgoibarko Udalak, Errezabal egoitza eraikitzeko (2022-05-05)
- Elgoibarrek 130 plazako adinekoentzako egoitza berria izango du (2021-07-09)
- Markel Olano: "Pilarreko adinekoentzako egoitza 2022rako eraikita egotea aurreikusten dugu" (2019-02-28)
- Abenduan amaituko dituzte Pilarreko eraikina eraisteko lanak (2013-11-21)