Sanloko zuzendaritza berriko kideak eta Maialen Gurrutxaga alkatea izan ziren aurtengo azokako lehen garagardoak edaten aurrenekoak. Garagardoaz gainera, egunero salduko dituzte ukondoa, saltxitxak, patata purea, oilaskoa eta patata frijituak. Pintxo potea ere antolatu dute eguen eta bariku arratsalderako eta zapatu goizerako. Azken egunean, domekan, paella erraldoi bat prestatuko dute, eta txartelak aurretik hartzea gomendatu dute.
Urtero moduan, bingo solidarioa ere egingo dute Sanlokoek, bariku eta zapatu gauerdian. Zuzeneko musikak girotuko du SanloBer festa: Azkaiter Pelox Band taldeak emango du kontzertua gaur gauean (22:00) eta Melissa & The Jacks taldeak zapatu gauean, 22:00etatik aurrera.
