Gipuzkoako Lan Behategiak emandako datuen arabera, %10,61eko langabezia tasarekin hasi zuen urtea Debabarrenak, eta %10,55eko indiziearekin itxi zuen urtea. Guztira, 2.729 langabe daude gure eskualdean.
Herriei erreparatuta, Deba da langabezia tasa txikiena daukan herria; %6,25 (165 langabe) eta tasa altuena, berriz, Soraluzek dauka %13,27 (232 langage), alegia. Eibarrek ere bailarako batezbestekoa baino langabezia tasa handiagoa dauka, %12,42koa eta 1.556 langabe ditu.
Elgoibarrek 501 langaberekin hasi zuen 2024a, eta abenduan berriz, 491 zenbatu zituzten. %9,20 langabezia dauka Elgoibarrek, bailarakoa baino %1,35 txikiagoa. Mendaroren kasuan, datuek okerrera egin zuten urtean zehar. 2024ko urtarrilean 82 langabe zeuden herrian, eta 90 zituen abenduan. %9,11ko langabezia tasa dauka Mendarok.
Hego Euskal Herriko datuak
EAEko Lanbideren eta Nafarroako Lansarearen enplegu zerbitzu publikoetako bulegoetako datuen arabera, 137.735 pertsona daude lanik gabe Hego Euskal Herrian, eta %9,77koa da langabezia-tasa. Lurraldeka, 707 langabe gutxiago daude Araban, 309 gehiago Bizkaian, bat gutxiago Gipuzkoan, eta 367 gehiago, azkenik, Nafarroan.
