Egoibarko Udalak eta Debemenek antolatuta martxoko azken zapatuko feria egingo dute martxoaren 25ean. Goizean goizetik Elgoibarko baserrietako produktuak jarriko dituzte salgai Kalebarren plazan, eta oraingoan, Artalde artisau taldeko kideek ere jarriko dute postua.
Urajai elkartekoek txosna zabalduko dute 11:00etan, Kalebarren plazan, eta Eusko Label Kalitatezko txahal sahiets eta txorixo pintxoak salduko dituzte, Elgoibarko baserrietan ekoizturiko barazkiekin batera. 11:30etik aurrera, umeentzako erronka jolasa eta gatzatu tailerra izango dira umeentzat, Atxutxiamaikak gidatuta. Eguerditik aurrera, ganadu erakusketa egingo dute, Kalebarren plazan.
