Stock kale azoka egin zuten joan zen asteburuan Txankakua Merkatari Elkarteko dendariek, eta euren saltoki atarietara atera zituzten produktuak, prezio merkeagoan.

Eguraldiak ez zuen gehiegi lagundu barikuan eta denda atarietan beharrean, denda barruetan eskaini zituzten salgaiak. Zapatuan eguraldi hobea egin zuen eta kalean eta dendetan ere jende gehiago ibili zen, denboraldiko azken mauken bila. Egun horietan erosketak egin zituzten herritarren artean 100 euroko erosketa bono bana zozkatu dute: Edurne Gurrutxaga, Laura Diez, Esther Ortube eta Mari Jose Arruti izan dira saridunak.