Lanbide Heziketaren IV. Euskal Planaren testuinguruan eratu dute Fabrikazio Aurreratuaren Nodoa Tnikan, Lanbide Heziketarako Berrikuntza Zentroan. Eratze prozesuan parte hartu dute IMH, Txorierri, Miguel Altuna, Goierri, Usurbil eta Bidasoa ikastetxeek.
Ekimen hau Lanbide Heziketaren IV Euskal Planaren barrutian kokatzen da; bere 9. helburuan Lanbide heziketako ikastetxe espezializatuen sarea sortzea aurreikusten baitu. Helburuan aipatzen da sare honek laguntza emango diela sektore ekoitzaileei Jaurlaritzak eratuko dituen proiektu zehatzetan.
•IMH Nodoaren lider-koordinatzailea
Lehen fasean, martxoan, IMHk, Nodoaren lider-koordinatzaileak, enpresa, Euskal Zientzia eta Teknologia Sareko eragileak eta Eusko Jaurlaritzako ordezkariak deituko ditu, behar estrategikoak identifikatu eta lehenesteko eta, ondoren, nodotik garatu eta erantzuna emateko.