Hainbat finantza entitaterekin hipoteka kontratatzerakoan zoru klausula dutenek bilera antolatu dute, gaiari buruzko informazioa partekatzeko eta aurrerantzean zer egin daitekeen aztertzeko.
Zoru-klausulak eragindako norbanako batzuek antolatu dute deialdia, eta entitate horretan klausula duten guztiei egin diete gonbidapena. Datorren zapatuan, otsailak 13, 12:00etan gelditu dira Rural Kutxaren aurrean.
Zoru-klausula hipoteka mailegu batzuetan agertzen da, eta, ondorioz, ordaindu beharreko gutxieneko interes-tasa ezartzen du. Zenbait finantza entitateren kasutan, erabiltzaileek erreklamazioak jarri dituzte gardentasun eta informazio argiaren irizpidea ez betetzeagatik, eta epaileek klausula horiek bertan behera laga izan dituzte, abusuzkoak izatea iritzita.
