Maider Insausti eta Izaro Etxegibel izan dira zortedunak (ikus zozketa). Guztira 357 lagunek parte hartu dute zozketan.
2022ko udaberriko kontsumo-bonuen kanpaina honetan Udalak 25.000 euro inbertituko ditu eta 3.300 merkataritza-bonu izango ditu. Maiatzaren 13ra bitartean, herritarrei %25eko deskontua egingo diete kanpainara batutako dendetan gutxienez 5 euroko eta gehienez 60 euroko gastua egiten dutenean, beti ere bono-txartelak agortu ez bazaizkie dendetan. 43 denda batu dira kanpainara. Deskontuak honakoak izango dira:
- 5 eurotan baloratutako erosketetan: 1,25 euroko deskontua
- 10 eurotan baloratutako erosketetan: 2,5 euroko deskontua.
- 20 euroko balioa duten erosketetan: 5 eurokoa
- 30 eurotan baloratutako erosketetan: 7,5 eurokoa
- 60 euroko balioa duten erosketetan: 15 eurokoa