Ekonomia

barren.eus-logoa

Tokikom

 

 
 

2021 10 13 energia bulego birtuala aurkezpena alkateak debabarrena debegesaDebabarreneko Energia Bulego Birtuala aurkeztu dute, gaur, Debegesaren egoitzan. Zerbitzuaren bitartez, energia eraginkortasunaren eta energia berriztagarrien instalazioari buruzko informazioa zein aholkularitza zerbitzua eskura izango dute eskualdeko bizilagunek eta bizilagun komunitateek.

Energia Bulego Birtuala Debegesaren, Gipuzkoako Foru Aldundiaren eta Debabarreneko udalen arteko elkarlanaren emaitza da. Zerbitzu berri horretan etxeko energia berriztagarriei zein energia berriztagarrien instalazioei buruzko kontsultak egin ahal izango dituzte herritarrek zein bizilagun komunitateek. Horrez gainera, argindar fakturaren gaineko kontsultak ere egin ahal izango dira.

 • Eguzki-plakak, etxetresna elektrikoak, argindarraren faktura…
Adibidez, eskuratu ahal da panel fotovoltaikoei, panel termikoeni zein geotermiari buruzko informazioa. Kontsultatu ahal da, baita ere, etxeko birgaitze iraunkorreko obrei buruz. Adibidez, igogailua instalatzeari edo aldatzeari buruz, teilatuak birgaitzeari buruz, berogailuen instalazioari buruz zein fatxadetako lanei buruz.

Kasu horietan, informazio xehea emango duela Energia Bulego Birtualak nabarmendu dute: zer eta nola funtzionatzen duten, instalazioak zelan egin behar diren, onurak, dirulaguntzak…

Horrez gainera, Energia Bulego Birtualaren bitartez, norbere etxeko eraginkortasun energetikoaren inguruko galderak edo kontsultak egin daitezke -etxetresna elektrikoei, berokuntzari, argiztapenari…buruz-. Kasu horretan, formulario bidez helarazten dira herritarren kezkak.

Eta horrez guztiaz gainera, argindarraren fakturari buruz ere galde daiteke, hura optimizatzeko aholkularitza zerbitzua barne eta erreklamazioak egiteko aukera barne.

Azaldu dutenez, egindako kontsultak gehienez ere hamar egun baliodunetan erantzungo dituzte, idatziz. Bestalde, inprimakiak betetzeko laguntza behar izanez gero, hitzordua eska daiteke Debegesan -943 82 01 10-.

2021 10 13 energia bulego birtuala aurkezpena alkateak debabarrena debegesa tokikom 700x700

 • Elkarlanaren emaitza
Gaur goizean, Debegesaren egoitzaren egoitzan, Eibarren, egin duten zerbitzaren aurkezpen ekitaldian izan dira Debabarreneko udal guztietako alkateak edo ordezkariak, Diputazioko Ingurumen eta Obra Hidraulikoetako diputatu Ignacio Asensio, Debegesako presidente Gilen Gartzia eta Debegesako bestelako ordezkariak, adibidez, Juan Angel Balbas zuzendaria.

Prentsaurrekoan esplikatu dutenez, Energia Bulego Birtualaren helburua da “erantzunkidetasunean oinarritutako energia-kultura bultzatzea, energiaren erabilera arduratsua sustatzea eta instalazio eraginkorrak eta energia iturri berriztagarrietan oinarritutako energia kultura zabaltzea”.

Aurkezpena bera egin dute Gilen Gartziak -Debegesako presidentea-, Ignacio Asensiok -diputatua- eta Jon Iraolak -Eibarko alkatea-. Hirurek azpimarratu dute Energia Bulego Birtuala dela erakunde guztien arteko elkarlanaren emaitza. Asensio diputatuak gaineratu du, besteak beste, energiaren egoera larria kontuan hartuta, “denon lana” dela horri buelta ematea eta Iraola alkateak adierazi du zerbitzu berriaren helburua dela ohitura arduratsuak bultzatzea, inguru “jasangarria eta osasuntsua” sortzeko.

Momentuz, abenduaren 31ra bitartean egongo da erabilgarri Energia Bulego Birtuala. Helbidea honakoa da: energia.debegesa.eus.

2021 10 13 Banner Energia Bulego Birtuala debabarrena

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza