Txankakuako 26 merkatarik merkealdia kalera atera dute Stock Kale Azokaren barruan. Denda bakoitzaren kanpoan jarri dituzte postuak, jende pilaketak sahiesteko. Gaur eta bihar, 10:00etatik 13:00etara eta 17:00etik 20:00etara ipiniko dituzte postuak. Kaleak eta establezimenduen atariak puxika gorriekin apaindu dituzte. Azokak irauten duen bitartean gainera, ibilgailentzako itxita egongo dira San Frantzisko, San Bartolome, Errosario eta Santa Ana kaleak.
• 300 euroren zozketa
Erosketa txekeen zozketa izaten da Stock Azokaren unerik arrakastatsuenetarikoa. Maalan egin izan dutenetan jendetza batzen zen, ezinbestekoa baitzen zozketa unean Maalan egotea saria jaso ahal izateko. Oraingoan ere egingo dute zozketa, 100 euroko hiru erosketa txeke, hain zuzen ere. Stock Kale Azokan eginiko erosketa bakoitzeko, denda bakoitzak txartel bat emango dio bezeroari, zozketan parte har dezan. Astelehenean jakinaraziko dituzte irabazleak.
∞Lotura duten albisteak:
- Herriko 26 merkatarik hartuko dute parte asteburuan egingo duten mauken azokan (2021-03-02)
- Stock Kale Azokan zozketatutako 100 euroko erosketa bonoak irabazi dituzte hiru herritarrek (2020-10-06)
- Denda bakoitzaren kanpoan egongo dira Stock azokako postuak (2020-09-29)
- Maukak denentzat eta sariak batzuentzat Stock azokan (2019-03-09)