Merkataritza bonoen bigarren kanpaina eta ostalaritza bonoen aurrenekoa jarri zituen abian Elgoibarko Udalak, joan den ekainaren 17an, tokiko kontsumoa bultzatu eta Elgoibarko familien ekonomia arintzen laguntzeko helburuarekin. Merkataritzako zein ostalaritzako bonoak internet bidez eskuratzeko epea ekainaren 24an amaitu zen. Merkataritzako 3.000 bonoak agortu egin dira baina ostalaritzako “Elgoibar On Egin” bonoak telematikoki saltzen jarraitzea erabaki du Udalak, izan ere, salmentan ipinitako 3.000 bonoetatik 1.247 oraindik saltzeke daude.
• On-line bakarrik eros daitezke
Hori dela eta, herritarrek ostalaritzako bonoak erosten jarraitzeko aukera izango dute, on-line salduko dira bakarrik (hemen eros daitezke), baina baldintzak aldatu egin dira. Orain, pertsona bakoitzak 12 bono eskuratzeko aukera izango du. Aldez aurretik erosi dutenek, beste 10 bonu eros ditzakete. Honez gain, ordutegia erabat malgutuko da, edozein ordutan erosi ahalko baitira. Webgunea zabalik egongo da bonoak agortu arte. Hori bai, ezinbestekoa izango da eroslea Elgoibarren erroldatuta egotea. Erosleek bonoak etxean jasoko dituzte korreo zertifikatu bidez eta abuztuaren 31ra arteko epea izango dute gastatzeko.
Guztira 22 taberna eta jatetxe batu dira Elgoibar on egin! kanpainara. Hona zerrenda:
- Ametsa
- Asador Ibaiondo
- Aterpe Taberna
- Bar Malape
- Belaustegi Baserria
- Derry Taberna
- Doner Kebap
- El Gautxo
- Gabi Jatetxea
- Iturri Taberna
- Jai Alai
- King Kong Kafetegia
- Kultur Kafea
- Lanbroa
- Maala
- Mahats Ardotegia
- Otzak Kafetegia
- Pizzeria Salento
- Restaurante Olaso Jatetxea
- Restaurante Sigma Jatetxea
- Restaurante Txarriduna Jatetxea
- Tantaka Taberna
∞Lotura duten albisteak:
- Ostalaritza suspertzeko 3.000 bonoko kanpaina hasiko du Udalak eguaztenean (2020-06-12)
- Agortu dira merkataritza bonoak, baina kanpaina berri bat hasiko dute ekainaren 15ean (2020-06-01)
- Herriko merkataritza sustatzeko bonoen banaketarekin udal gobernuaren inprobisazioa agerian geratu dela dio EH Bilduk (2020-05-28)
-
1.236 bono banatu ditu Udalak gaur, baina banaketa egiteko moduak haserreak sortu ditu (2020-05-27)
- Kalebarrenetik Kalegoen plazara arteko ilarak sortu dira merkataritza bonoak eskuratzeko (2020-05-27)
- Merkataritza dinamizatzeko bonoak eguaztenetik aurrera jarriko dituzte salgai (2020-05-22)
- Herriko merkataritza sustatzeko bono kanpaina abian da Mendaron (2020-05-25)
- Berraktibazio plana abian jarrita milioi bat euroko inpaktu positiboa sortzea aurreikusten du Elgoibarko Udalak (2020-05-08)