Bizi duten egoeraren eta aldarrikapenen gaineko informazioa eman diete zahar etxeetako langileek kalean topo egin dituzten herritarrei, eta manifestazioa egin dute gero herriko kaleetan. Ildo berean, zahar etxeetako errealitatea jaso eta bistaratzen bideoa zabaldu du sarean ELA sindikatuak, senide, egoiliar eta langileen testigantzekin.
Joan den azaroaren 11n hasi zuten ELA sindikatuak deitutako greba deialdi berria, eta abenduaren 11ra arte luzatuko da. 31 greba-egun izango dira, eta iazko irailetik egindako 118rekin batera, guztira, 149 greba-egun izango dira.
Lan gatazka honetan egon den azken mugimendua UGTk lortutako ituna izan zen, azaroaren 8an. Sindikatu horrek soldatetan eragingo duen hobekuntza lortu zuen sektoreko patronalarekin. Beste hiru sindikatuek, ELAk, LABek eta CCOOk ez zuten ontzat hartu akordioa. Nabarmendu zuten ordezkaritzaren %10 baino ez duela UGTk eta lortutakoak soldatetan baino ez duela eragingo, sektoreko hitzarmenak askoz gauza gehiago biltzen dituela, alegia.
Lau sindikatuak ez dira elkarrekin ari lan hitzarmena lortzeko borrokan. ELAK ordezkaritzaren %60 dauka eta negoziazio mahaitik kanpo dago. Patronalaren zati batekin akordioa iristen saiatu zen, eta sindikatuak dioenez, Foru Aldundiak halakorik egin zuenik gezurtatu zuen. Beste hiru sindikatuek negoziazio mahaitik kanpo aritzea leporatzen diote.
∞Lotura duten albisteak:
- Zahar-etxeetako langileen martxa Elgoibartik pasa da (2019-10-16)
- San Lazaro egoitzakoen protesta agintarien aurrean (2019-10-04)
-
San Lazaro egoitzakoek hilabeteko beste greba bat hasiko dute irailaren 19an (2019-09-05)
- Zahar etxeetako grebalarien eskualdeko martxa egin dute Eibartik Elgoibarrera (2019-06-27)
- San Lazaro egoitzako langileek egun osoko kanpaldia egingo dute Maalan (2019-06-19)
- Informazio osoagoa BARREN aldizkariko 1116. zenbakian, San Lazaroko hiru langileri eginiko elkarrizketan