Ekonomia

barren.eus-logoa

Tokikom

 

 
 

2019 09 16 danobat elgoibar hembrug ersi hannover EMO2 okGogorrean doitasunez torneatze lanetan liderra den Herbeheretako Hembrug Machine Tools enpresa erosi du Danobatek. Hannoverren (Alemanian) eman dute erosketa akordioaren berri, EMO azokaren barruan, Europan egiten den makina-erreminten azokarik nagusienean.

Makina-erreminten eta ekoizpeneko sistema aurreratuen fabrikatzailea den Danobatek prentsa ohar bidez jakinarazi duenez, enpresa bien ahalmenen baturak zeregin garrantzitsua izango du sektorean. Izan ere, enpresa biek "esperientzia zabala" dute eta espezializatuta daude doitasunezko piezen fabrikaziorako puntako soluzioen garapenean. Ildo berean, erosketa operazioa aurrera pauso bat da Danobatgroup industria taldeak, "dibertsifikazio sektorial eta teknologikorako eta nazioarteratzeko duen estrategiaren barruan".

 • Hembrug erreferentziako marka da Europan
Danobatek artezketan duen "expertisea" eta Hembrugek gogorrean doitasunez torneatze lanetan duena batzea dakar erosketak; hau da, teknologia osagarri bi konbinatuko dira merkatuari egiten zaion eskaintza aberasteko bezero bakoitzaren premietara egokitutako soluzioekin. Danobatetik azaldu dutenez, Hembrug Machine Tools erreferentziako marka da Europan. 1670ean eratu zen, 1870az geroztik tornuak fabrikatzen ditu eta 1969an garatu zuen bere lehen makina teknologia hidrostatiko propioarekin. Gaur egun, 14 milioi euro baino gehiago fakturatzen du urtean eta 60 lagun baino gehiagori ematen die lana, oso sektore dibertsifikatuetan presente egonda, automobilgintzatik hasi eta optikara arte, eta pisu handia edukita Erdialdeko Europan eta Asiako herrialdeetan.
Kredentzial horiek Danobaten proposamenera batzen dira orain; izan ere, urtean 130 milioi euro fakturatuta eta sendo nazioarteratuta, Alemanian, Espainian eta Erresuma Batuan ditu ekoizpen lantegiak eta bikaintasun zentroak bai herrialde horietan, bai Italian, AEBn eta Txinan.
Hembrugen erosketak egun dituen doitasunezko soluzioen gaman prestigioko marka bat sartzea ekarriko dio Danobati, zeina Alemanian duen filialaren markari, Danobat-Overbeck markari, batuko zaion. Operazioa, gainera, aurrera pauso bat da Danobatgroupek dibertsifikazio sektorial eta teknologikorako eta nazioarteratzeko duen estrategiaren barruan.
Trukean, operazioarekin Hembrugek artezketa prozesuak sartu ahal izango ditu bere balio proposamenean, bere teknologiaren garapena bultzatzeko eta soluzioen katalogo are osatuagoa eskaintzeko. Era berean, Danobaten salmenta eta zerbitzu plataforman sartuko da, bai eta maila globaleko bikaintasun zentroen sare batean ere, zeinari Holandan duen probetako zentroa batuko dion.

2019 09 16 danobat hembrug erosi hannover emo eskua

 • Aurrera pausoa
Aliantza berri hori eszenaratzeko, Danobatek Hembrugen makinarik adierazgarrienetako bat erakutsiko du gaurtik aurrera Hannoverreko EMO azokan duen standean. Mikroturn 100LS makina da, eta enpresa holandarrak gogorrean doitasunez torneatzeko lanetarako eskaintzen duen punta-puntako teknologiaren adibide bat da. Ekipamendu hori Danobatek azokan erakutsiko duen azken belaunaldiko eta balio teknologiko handiko zazpi makinei batzen zaie.
Akordioa oso positiboki baloratu du Danobateko CEO Xabier Alzagak, zeinak “Hembrug moduko prestigio handiko marka bat sartzeak" duen garrantzia azpimarratu baitu. Berritzaileak gara, eta balio erantsi handikoak diren soluzio teknologikoak sortzen espezialistak. Gure xedea da gure bezeroen eskakizunetara egokitutako erantzuna ematea. Horretarako, gure abiapuntua da industri fabrikazioan aplikatzen diren teknologiak sakonki ezagutzea. Hemendik aurrera, gogorrean doitasunez torneatzeko lehen mailako punta-puntako soluzioekin handituko dugu gure katalogoa, artezketarako, torneaketarako eta neurketarako egun dugun gama osatuta.”
Hembrugeko CEO Robert Nefkensek, zeinak konpainiaren buru izaten jarraituko baitu, azpimarratu du “Danobatena moduko plataforma global batean sartzeak” dakarren aurrerapena, bai eta “artezketaren eta gogorrean doitasunez torneatzearen teknologia osagarriak batzeak” lehiarako dakarren abantaila ere.
Konpainia bien arduradun gorenek akordioa eszenaratu zuten atzo Hannoverreko EMO azokan, zeina irailaren 16tik 21era bitartean egingo baita 180.000 metro karratuko azaleran eta 2.200 erakusketari baino gehiagorekin.
 • Danobati buruz
Danobat makina-erreminten eta ekoizpen sistemen euskal fabrikatzailea espezializatuta dago fabrikazio industrialerako soluzio teknologiko aurreratuak eta bezeroen premietara erabat egokitutakoak eskaintzen. Enpresak aeronautikako, automobilgintzako edo trengintzako sektoreetan liderrak diren enpresekin eta enpresentzat egiten du lan, banakako makinak zein giltza eskura erako lerroak eskainiz. Danobatgroupeko kidea da, hau da, 1.300 laguni enplegua ematen dien eta Mondragon Korporazioan sartuta dagoen industria talde batekoa.

Elgoibarko berbetia

San Bartolomeak 2019

 

Gida komertziala

Gida komertziala 2018

Elgoibarko Izarra

elgoibarkoizarra-logoa-irudia

Bideoak

Barren astekaria

ePosta harpidetza